ဒီဆိုက်ဒ်ထဲက စာတွေက ၀ါသနာအရ အားတဲ့အချိန်မှာ ရေးသားခြင်း ဖြစ်ပါတယ်။ စာအုပ်တွေကို အရင်ကတည်းက တွေ့တဲ့ဆိုက်ဒ်တွေကနေ Download ဆွဲထားခဲ့ပါတယ်။ ဒီကို ပြန်တင်မယ်ဆိုပြီး ရည်ရွယ်ရင်းမရှိခဲ့ပါ။ ဒါကြောင့် ခုလိုပြန်တင်ဖြစ်သွားတော့ ယူခဲ့တဲ့ဆိုက်ဒ်တွေကို မမှတ်မိတော့ပါဘူး။

Sunday, January 27, 2013

ဗုဒ္ဓတိုင်းဖြစ်မြဲဓမ္မတာ-၃၀

E.G. F | 7:28 PM |
၁။ဘုရားဖြစ်မည့် နောက်ဆုံးဘ၀တွင် ပဋိသန္ဓေနေရန် ပညာအဆင်ခြင်ဥာဏ်နှင့် ယှဉ်၍သာ မယ်တော့် ၀မ်းသို့ ပဋိသန္ဓေသက်ဝင်သည်။
၂။မယ်တော့်ဝမ်းတွင် တင်ပလ္လင်ခွေလျက် ပြင်ပသို့ ကြည့်ရှုတော်မူသည်။
၃။မယ်တော်သည် ရပ်လျက်သာလျင် ဘုရားအလောင်းတော်ကို ဖွားတော်မူသည်။
၎။မယ်တော်သည် တောအရပ်၌သာ ဘုရားအလောင်းတော်ကို ဖွားတော်မူသည်။
၅။ဖွားပြီးသော ဘုရားအလောင်းတော်သည် ရွှေပြားထက်တွင် နင်းတော်မူသည်။
၆။မြောက်အရပ်သို့ မျက်နှာမူကာ ခုနစ်လှမ်းလှမ်းပြီးနောက် အရပ်လေးမျက်နှာသို့ ကြည့်ကာ ရဲရင့်သံဖြင့် ကြုံးဝါးတော်မူသည်။
၇။နိမိတ်ကြီးလေးပါးကို မြင်ပြီး၍ သားတစ်ယောက်ဖွားပြီးကာမှ မြတ်သောတောထွက်ခြင်းဖြင့် တော ထွက်တော်မူသည်။
၈။အရဟတ္တဓဇဖြစ်သည့် သင်္ကန်းဖြင့် ရဟန်းပြု၍ အနိမ့်ဆုံး ဒုက္ကရစရိယကျင့်တော်မူသည်။
၉။ဘုရားဖြစ်မည့်နေ့တွင် နို့ဃနာဆွမ်းဘုန်းပေးသည်။
၁၀။မြက်အခင်း၌ ထိုင်ကာ သဗ္ဗညုတဥာဏ်ရတော်မူသည်။
၁၁။အာနာပါနကမ္မဋ္ဌာန်းကို အခြေခံ၍ မာရ်နတ်စစ်သည်အပေါင်းကို ဖျက်ဆီးတော်မူသည်။
၁၂။ဗောဓိပလ္လင်တွင် ၀ိဇ္ဇာသုံးပါးကို အစပြုကာ အသာဓာရဏဥာဏ်စသော ဂုဏ်အထူးကို ရသည်။
၁၃။ခုနစ်ရက်ခုနစ်လီ(၄၉)ရက်ပတ်လုံး ဗောဓိပင်အနီး၌သာ ကုန်လွန်စေသည်။
၁၄။မဟာဗြဟ္မာကြီးက တရားဟောရန် တောင်းပန်ရသည်။
၁၅။ဣသိပတန မိဂါဝုန်တောတွင် ဓမ္မစကြာတရား ဟောသည်။
၁၆။တပို့တွဲလပြည့်နေ့တွင် အင်္ဂါလေးပါးရှိသည့် အစည်းအဝေးတွင် သြ၀ါဒါပါဋိမောက်ကို ပြသည်။
၁၇။ဇေတ၀န်ကျောင်းတွင် အမြဲသီတင်းသုံးသည်။
၁၈။သာဝတ္ထိပြည်၊ မြို့တံခါးနေရာတွင် ရေမီးအစုံစုံ တန်ခိုးပြာဋိဟာပြသည်။
၁၉။တာဝတိံသာနတ်ပြည်တွင် အဘိဓမ္မာတရားဟောသည်။
၂၀။သင်္ကဿမြို့တံခါး၌ နတ်ပြည်မှ ဆင်းသက်သည်။
၂၁။ခုနစ်ရက်လုံးလုံး ဖလသမာပတ်ကို ၀င်စားသည်။
၂၂။တစ်နေ့လျင် နံနက်တစ်ကြိမ်၊ညနေချမ်းတစ်ကြိမ်ဖြင့် နှစ်ကြိမ်တိုင်တိုင် ကျွတ်ထိုက်သည့်ဝေနေယျ တို့ကို ဥာဏ်ဝင်စား၍ ကြည့်တော်မူသည်။
၂၃။ဝတ္ထုကြောင်းပေါ်လျင် သိက္ခာပုဒ်ပညတ်သည်။
၂၄။ရှေးနှင့်ဆက်စပ်သော ပစ္စုပ္ပန်အကြောင်းပေါ်လျင် သိက္ခာပုဒ်ပညတ်သည်။
၂၅။ဆွေတော်မျိုးတော်တို့ အစည်းအဝေးတွင် ဗုဒ္ဓ၀င်ကို ဟောသည်။
၂၆။အာဂန္တုရဟန်းတို့နှင့် ပဋိသန္တာရစကားကို ပြေပြစ်စွာပြောလေ့ရှိသည်။
၂၇။ဝါကျွတ်လျင် ၀ါဆိုရန်ပင့်ဖိတ်ခဲ့သောဒကာကို ပန်ကြားပြီးမှသာ ကြွသွားတော်မူသည်။
၂၈။နေ့တိုင်း နံနက်၊ ညချမ်း၊ ပုရိမယာမ်၊ မဇ္ဈိမယာမ်၊ ပစ္ဆိမယာမ်ဟူသည့် အခါငါးပါးတွင် ပုဗ္ဗကိစ္စပြုသည်။
၂၉။ပရိနိဗ္ဗာန်ပြုမည့်နေ့တွင် သားပြွမ်းဆွမ်းကို ဘုန်းပေးသည်။
၃၀။ကုဋေနှစ်သန်းလေးသိန်းသော သမာပတ်တို့ကို ၀င်စားပြီးမှ ပရိနိဗ္ဗာန်စံတော်မူသည်။
သမန္တစက္ခုဒီပနီ၊၂၁၁-၂။
Print Friendly and PDF

No comments:

Post a Comment

Twitter Bird Gadget