ကာမသုဂတိခေါ်ပုံ
ငါးဖြာအာရုံကာမဂုဏ်ဟူသော
ကာမတဏှာလွှမ်းမိုးရာဖြစ်၍ မရေတွက်နိုင်အောင်များပြားလှသော
စည်းစိမ်ချမ်းသာတို့ တည်ရှိရာနေရာကို ကာမသုဂတိဟုခေါ်သည်။ (ဋီကာကျော်၊၁၆၁)
ကာမသုဂတိခုနစ်ဘုံနှင့်အကွာအဝေး
ယင်းကာမသုဂတိသည်
- ၁။လူ့ဘုံ ၂။စာတုမဟာရာဇ်ဘုံ ၃။တာဝတိံသာဘုံ ၃။ယာမာဘုံ ၄။တုသိတာဘုံ
၅။နိမ္မာနရတိဘုံ ၆။ပရနိမ္မိတ၀သ၀တ္တိဘုံအားဖြင့် ခုနစ်ဘုံရှိပါသည်။ (ဒီ၊ဋ္ဌ၊၂၊၈၆။
အဘိ၊၂၊၄၃၇)
ကာမသုဂတိခုနစ်ဘုံတို့သည်``လူ+စ+တာ+ယာ+တုသ်+နိမ္မာ+၀သာပြည်ဝတ္တီ၊
လေးသောင်းနှစ်ထောင်အကွာဆောင် လူ့ဘောင်ဆင့်ဆင့်သိ´´ (ပရမတ္ထသံခိပ်၊၁၇) ဟူသော
လယ်တီသံခိပ် အရ တစ်ဘုံနှင့်တစ်ဘုံအကွာအဝေးသည် ယူဇနာလေးသောင်းနှစ်ထောင်
အကွာအဝေးရှိသည်။
လူခေါ်ပုံ
သတိ၊ရဲရင့်ခြင်း၊ရဟန်းအဖြစ်အားလျော်ခြင်းစသော ဂုဏ်ထူးဝိသေသတို့ဖြင့် မြင့်မြတ်သောစိတ်ရှိသောကြောင့် လူဟုခေါ်ပါသည်။
မကောင်းမှုပြုရာတွင်မိဘသတ်မှုစသော
ပဉ္စာနန္တရိယကံတိုင်အောင်ပြုနိုင်၍ ကောင်းမှုပြုရာတွင်
ဘုရားဖြစ်သည်အထိပြုနိုင်ကြသဖြင့် ဤဇမ္ဗူဒိပ်ကျွန်းတွင်နေထိုင်ကြသူတို့ကို
မုချအားဖြင့်လူဟု ယူရပါသည်။ လူတို့နှင့် ရုပ်အဆင်းစသည်တို့တူသော
အခြားကျွန်းငယ်တွင်နေထိုင်ကြသူများ၊ အခြားကျွန်းကြီးတွင်နေထိုင်ကြသူများကို
ဥပစာအားဖြင့် လူဟုယူရပါသည်။
လောကီသဒ္ဒါဆရာတို့သည် မနုမည်သော ကမ္ဘာဦးမင်း၏အစဉ်အဆက် ``သား´´ဖြစ်သောကြောင့် လူမည်၏ဟုဆိုကြပါသည်။ (ဋီကာကျော်၊၁၆၂)
မြန်မာအဘိဓာန်တွင် တွေးခေါ်ဥာဏ်ရှိသော ခြေနှစ်ချောင်း ရှိသောသတ္တ၀ါကို လူဟုဆိုထားသည်။ မြန်မာအဘိဓာန်၊၃၂၆)
အရှင်က၀ိန္ဒ(ချောင်းဆုံ)
No comments:
Post a Comment